"Өмірден күдер үзген". Атырау облысында өзін өртеген азаматтың халі нашар

Атырау облысында өзіне жанармай құйып өртеген азаматтың жағдайы ауыр. Оның денесінің 80 пайыздан астамын күйік шалған, - деп хабарлайды Arbat.media.

Мақат ауданындағы Доссор қаласында 62 жастағы азамат үйдің ауласында өзін өртеп, көршілері бірден жедел жәрдем шақырған. Өмірден баз кешкен тұрғынның бала-шағасы бар.

Құзырлы орган өкілдері бұған отбасындағы жағдай себеп болған дейді.

ҚР ҚК 105-бабы, өзін-өзі өлтіруге дейін жеткізу бабы бойынша тергеу жүргізілуде. Алдын ала ақпарат бойынша отбасылық жанжалдан соң өзін өртеп жіберген, дейді Атырау облысы ПД ресми өкілі Мейірім Ердәулет.