Оралда өртенген гараждан ер адамның мүрдесі табылды

Орал қаласында өртке оранған гараждан жанып кеткен ер адамның мүрдесі табылды, деп хабарлайды Arbat.media. 

БҚО ТЖД департаментінің баспасөз қызметінің хабарлауынша, қайғылы оқиға 2 мамыр күні М.Шолохов көшесі 15-мекенжайында сағат 07.48-де болды. Қызыл жалын өрт сөндірушілер келгенге дейін ауыздықталды.

Өртенген орыннан 15 баллон (біреуі газ, біреуі оттегі, қалғаны фреон) шығарылды.

БҚО полиция департаменті баспасөз қызметінің нақтылауынша, өрт сөндірілгеннен кейін жанып кеткен ер адамның мүрдесі табылды.