Өскемен қаласында тұрғын үйдің жанында ер адамды атып кетті

Өскемен қаласында тұрғын үйдің жанында ер адамды атып кетті, - деп хабарлайды Arbat.media.

Бұл туралы ШҚО полициясының баспасөз қызметі жеткізді.  

Шақыру бойынша келген полицейлер Өскемендегі үйлердің бірінің кіреберісінде қанға батып жатқан ер адамды тапты.

Оқ жарақатын алған ер адам сол жерде көз жұмған. Ер адамды атып кеткен тұрғын ұсталды.

«Келген бойда полицейлер мәйітті тапты. Алдын ала мәлімет бойынша, ер адам оқ жарақатынан қайтыс болған. Патруль полициясының іс-шараларының арқасында  күдікті 10 минуттың ішінде ұсталды. ҚР Қылмыстық кодексінің 99-бабы бойынша сотқа дейінгі тергеу басталды», - деп хабарлады полиция департаментінен.