Павлодарда алимент төлеушілердің бәс тігуіне шектеу қойылды

Бұл туралы Бас прокуратура мәлімдеді, деп хабарлайды Arbat.Media. 

Павлодар облысында букмекерлік кеңселердің біріне қатысты тексеру кезінде алимент бойынша берешегі бар 279 адамның құмар ойындарға қатысқаны анықталды. Олар ойын шоттарына 600 млн теңгеден астам қаражат салып, 415 млн теңгеден астамын шығарған. Оның ішінде 97 адам алимент төлеуден қасақана жалтарған. 

Прокуратура шараларынан кейін букмекерлік кеңселерді Бірыңғай есепке алу жүйесіне қосу жұмыстары жүргізілді. Жүйе борышкерлерді автоматты түрде анықтап, олардың құмар ойындарға қатысуын бұғаттайды. Қазіргі уақытта жүйе жеті букмекерлік кеңседе іске қосылған.