Павлодарда анасы терезеден лақтырған бір жарым жасар бала көз жұмды

Павлодарда облыстық балалар ауруханасында анасы терезеден лақтырған бір жарым жасар бала қайтыс болды, деп хабарлайды Arbat.Media.

Дәрігерлер ауыр жарақаттармен ауруханаға жеткізілген нәрестенің өмірімен бірнеше күн бойы күресті. Бір жарым жасар бала өте ауыр жағдайда жеткізілген. Бүгін, 1 тамызда оның жағдайы күрт нашарлап, жүрегі соғуын тоқтатты.

«Сағат 20: 10-да жүрек қызметі тоқтап қалды. Сағат 20: 40-та нәрестенің өлімі расталды. Өкінішке орай, баланы құтқару мүмкін болмады», деп хабарлады Павлодар облыстық балалар ауруханасы.

 Бір жарым жастағы сәби ауруханаға жеткізілгенде клиникалық өлім жағдайында болған. Дәрігерлер шұғыл түрде реанимациялық көмек көрсетіп, кейін баланы жансақтау бөліміне ауыстырған. Жағдайы аса ауыр, себебі III дәрежелі жарақаттық шок тіркелген. Бала комада, бас сүйегінің көлемді жарақаты, ми мен ішкі ағзалардың зақымдануы анықталған.