Павлодарда бір жарым жасар сәби биіктен құлап көз жұмды

Павлодар қаласында бір жарым жасар ұл бала алтыншы қабаттағы пәтердің терезесінен құлап, көз жұмды, деп хабарлайды Arbat.Media.

Облыстық жедел жәрдем станциясының мәліметінше, оқиға орнына дәрігерлер жедел жеткенімен, сәби өмірмен сыйыспайтын ауыр жарақат алған. Дәрігерлер оның оқиға орнында қайтыс болғанын тіркеді.

Әлеуметтік желіде тараған ақпаратқа сәйкес, қайғылы оқиға болған сәтте баланың ата-анасы үйде болған. Қазір оқиғаның барлық мән-жайын құзырлы органдар анықтап жатыр.