Педофиль 12 жастағы қыздың үйіне кіріп, оны айуандықпен зорлаған

2024 жылдың тамыз айында Жетісу өңірінде педофиль үйге кіріп, 12 жасар қызды зорлаған, деп хабарлайды Arbat.media.

Сот шешімімен ер адам 15 жылға бас бостандығынан айырылды.

Аса жеңіл жазамен келіспеген Жетісу облыстық прокуратурасы үкімге шағым түсірді. Апелляциялық сот қадағалау органының ұстанымын қолдап, жазаны күшейтіп, кінәліге өмір бойына бас бостандығынан айыру жазасын тағайындады.

Жетісу облыстық прокуратурасы: балаларға қарсы жасалған әрбір қылмыс қатаң әрі әділ жазалануы тиіс деп атап көрсетеді.

«Құқықтық тәртіп» мемлекеттік саясат шеңберінде кәмелетке толмағандардың құқықтарын қорғау қадағалау органдарының басымдығы болып қала береді.