Пойыз терезесінен нәрестесін лақтырып жіберген әйел туралы тың дерек шықты

Пойыз терезесінен нәрестесін лақтырып жіберген әйел туралы бейресми ақпараттар шықты, деп хабарлайды Arbat.media.

Buzyq телеграм-арнасының бейресми мәліметінше, әйел шамамен 30 жаста, Қазалы бекетінен пойызға мінген.

Қарағанды бекетінен кейін жолаушы жолсеріктің едендегі қанды жуғанын байқап, ізді бақылай келе, купеде жатқан, төсегі қан болған әйелді көреді. Сұрақ қоя бастаған соң, әйел кінәсін мойындаған.

Полиция оны оқиға орнында ұстады, босанған әйелге медициналық көмек көрсетілді. Қазір оның жағдайы «тұрақты» деп отыр. Дегенмен оның қамауда, болмаса үйқамақта екені әзірге белгісіз.

Ал нәресте пойыз жолының бойында өлі табылды. Тірі туылғаны немесе өлі туғаны әлі анықталған жоқ.