Қайрат Боранбаев түрмеден шығатын болды

Ақмола облысы сотының баспасөз қызметі белгілі кәсіпкер Қайрат Боранбаевтың жазасы жеңілдетілгенін жариялады, - деп хабарлайды Arbat.media.

"Сот сотталушы "Б."-ның өтінішін қанағаттандыра отырып, жазаның қалған бөлігін бостандықты шектеу түріне ауыстырды" делінген Ақмола облысы Зеренді аудандық сотының хабарламасында. 

Жазаны ауыстыру кезінде сот келесі жағдайларды ескерді:

• сотталған адам заңда белгіленген жаза мерзімінің 1\3 бөлігін (2 жыл 4 ай 5 күн) өтеген;
• кінәлі мемлекетке келтірілген залалды толығымен өтеді, тергеумен белсенді жұмыс істеді және жасаған ісіне өкінеді;
• қамауда болған кезеңде оң сипатталды. Мекеме әкімшілігі тиісті құжаттарды ұсынды және өтінішті қолдады.

 Сотының шешіміне сәйкес "Б."  пробациялық бақылауда болады.

Сот шешімі заңды күшіне енген жоқ.