Қайрат Нұртас келіншегімен көзге түсті

Қазақстандық әртістер, ерлі-зайыпты Қайрат Нұртас пен Жұлдыз Әбдукаримова серуен кезіндегі ортақ видеосын жариялады, деп хабарлайды Arbat.Media. 

Біраз уақыт бойы Қазақстан жұлдыздары бірге көпшілік алдына шықпаған еді. Тіпті, кейбір жанкүйерлер арасында Қайрат пен Жұлдыздың ажырасып кеткені, тіпті жақында туған қыздары әншінің баласы емес деген "сыбыстар" тараған болатын.

Әншінің Instagram парақшасында жарияланған бейнежазбада Қайрат Нұртас баланың арбасын итеріп келеді, қасында жары — актриса Жұлдыз Әбдукаримова жүр.

Видео жанкүйерлер арасында үлкен резонанс тудырды. Көпшілік жұптың ұзақ уақыттан кейін алғаш рет бірге көрінгенін атап өтті. Бұған дейін әлеуметтік желілерде олардың ажырасқаны және жаңа туған қыздың әкесі басқа болуы мүмкін деген көптеген қауесет тараған еді.