Қайтыс болған 996 адамға 3 640 рет қызмет көрсетілген

Қаржы министрі М. Тәкиев бюджеттен көбірек ақша алу үшін клиникалардың қайтыс болған адамдарды «емдеп», балаларға бір күнде мыңға жуық дәрі тағайындағанын айтты, деп хабарлайды Arbat.Media.

Сондай-ақ жекеменшік клиниканың дәрігері бір күнде 1 442 пациент қабылдағаны туралы ақпарат көрсеткен. 800 мыңға жуық ер адам әйелдер ғана ауыратын аурулар бойынша скринингтен өткен. Оның ішінде 619 жігіт маммографиядан өткен.

Салық органдарының тексерісі бойынша медициналық ұйымдардың 1 465 басшысы 2024–2025 жылдары 5 мыңнан аса жылжымайтын мүлік сатып алған. Ал 912 адам 1 416 автокөлік рәсімдесе, кейбірі екі жылда 52-ден 124-ке дейін жылжымайтын мүлік, 14-тен 24-ке дейін автомобиль сатып алған.