Қарағанды облысында 10 жастағы баланы тоқ соқты

Қарағанды облысында 10 жастағы баланы тоқ соқты. Оқиға 1 маусым кешкі сағат 18:30 шамасында болған, деп хабарлайды Arbat.Media.

«Менің інім электр бағанасына шыққан. Ол жерде балалар үнемі ойнап жүреді екен, дәл ойын алаңынан небәрі 2 метр жерде ғана тұр», - дейді баланың әпкесі Анастасия Рабиза.

Бала ток соққанда құлап, көмекке ересектердің бірі келіп, бірден жасанды тыныс алу жаттығуын жасаған.

Туыстарының айтуынша, жеткіншектің жүрегі тоқтап қалған. Жедел жәрдем оқиға орнына 7 минутта жеткен.

Оқиға өткелі ол жерге ешбір маман келмеді, қоршалмады дейді зардап шеккен баланың туыстары.

Облыстық полиция департаменті аталған факті бойынша қылмыстық іс қозғаған.