Қарағандыда 10 студент ауруханаға түсіп қалды

2 сәуірге қараған түні Е.А.Бөкетов атындағы Қарағанды университетінің 9 қабатты жатақханасында өрт шықты. Нәтидесінде 10 студент ауруханаға түсіп қалды, деп хабарлайды Arbat.media.

Ғимараттың бірінші қабатындағы қоқыс жәшігінде, 1,5 шаршы метр аумақта қоқыс жанған.

"ТЖД жатақханадан төрт адамды құтқарды. Құтқарушылардың үйлесімді әрекетінің арқасында өрт 19 минут ішінде сөндірілді. Алдын ала болжам бойынша өрттің себебі - ашық от көзі", – деді ТЖД өкілі.

Оқиға салдарынан зардап шеккендер бар. 10 студент Мақажанов атындағы ауруханаға және облыстық балалар клиникалық ауруханасына толық тексеріс үшін жеткізілген.