Қарағандыда Серік Сәпиев өз орынбасарымен төбелесіп қалды

Олимпиада чемпионы, Қарағанды облысының дене шынықтыру және спорт басқармасының басшысы Серік Сәпиев пен оның орынбасары, самбо және жауынгерлік самбодан Азия және әлем чемпионаттарының жүлдегері Дәурен Есімханов арасында төбелес болды, деп хабарлайды Arbat.Media.

Бұл ақпаратты Қарағанды облыстық полиция департаменті растады.

«Қарағанды қаласының 42 жастағы тұрғынының арызы бойынша “денсаулыққа қасақана зиян келтіру» фактісімен қылмыстық іс қозғалды», — деп хабарлады полиция өкілдері.

Төбелес 21 қаңтар күні қаланың спорт кешендерінің бірінің ғимаратында болған. Қазіргі уақытта полиция қызметкерлері оқиғаның барлық мән-жайын анықтап жатыр.