“Қараусыз қалған”: Атырауда 80 жастағы зейнеткер балаларын сотқа берді

Атырауда қараусыз қалған 80 жастағы зейнеткер 8 баласын сотқа берді, деп хабарлайды Arbat.Media.

Ақсақал сотта 10 жылдан астам уақыт жалғыз тұратынын айтқан. Туыстарының ішінде 1 баласы ғана хабарласып, қалған балалары мен бір немересі моральдық, материалдық көмек көрсетпеген.

Зейнеткер денсаулығына байланысты балаларынан алимент талап еткен.

«Заңға сәйкес көмекке мұқтаж, еңбекке жарамсыз тұлға еңбекке қабілетті кәмелетке толған бала-немерелерінен алимент талап етуге құқылы, - дейді қалалық сот.

Сот шешімімен зейнеткердің тамағы мен дәрі-дәрмегіне балалары мен немересінің әрқайсысынан 11 796 теңге алимент өндірілді.