Қазақстанда әйелдерге жүктіліктен сақтайтын дәрі тегін берілуі мүмкін

Қазақстанда әйелдерге жүктіліктен сақтайтын дәрі тегін берілуі мүмкін, деп хабарлайды Arbat.Media.

Денсаулық сақтау министрі Ақмарал Әлназарова Қазақстандағы ана өлімін азайту үшін контрацептивтерді сатып алуға бюджеттен қаржы бөлу керек екенін айтты.

"Ана өлімінің ең жоғары көрсеткіші Ақмола облысында тіркелген. Ол республикалық деңгейден жеті есе жоғары. Қайтыс болу себептерінің құрылымында ауыр экстрагениталды аурулар – 55%, акушерлік себептер – 45%", – деді Әлназарова.

Министр бұл тәуекелдерді азайту үшін қабылдануға тиіс шараларды атады. Ол әкімдіктерден дәрігерлерді жұмысқа тартуға, олардың біліктілігін тұрақты түрде арттыруға және медициналық ұйымдардың материалдық-техникалық базасын нығайтуға қаржы бөлуді сұрады.