Қазақстанда бензин сапасына қатысты шағым көбейген соң тексеріс басталды

Сауда министрлігі бензинді зауыттан бастап жанармай құю бекеттеріне дейін тексеріп жатыр, деп хабарлайды Arbat.Media.

Зерттеу барысында зауыттан алынған отын да, жанармай құю бекеттеріндегі бензин де зертханада тексеріледі.

Тексеру аясында 17 жанармай құю бекетінен сынама алу үшін бақылау сатып алуы жүргізілді.

Sinoil, QazaqOil және Helios желілеріндегі қоспалары бар отын үлгілері де бөлек зерттеліп жатыр.

Қысқасы, көлігіне қандай бензин құйып жүргенін білгісі келген жүргізушілер зертхана қорытындысын күтеді. Ал нақты нәтижелер бір апта ішінде жарияланбақ.