Қазақстанда соңғы қоңырау уақыты өзгерді

Қазақстанда соңғы қоңырау уақыты өзгерді, деп хабарлайды Arbat.media.

Оқу-ағарту министрлігі мәлімдеме жасады.

«Биылғы оқу жылының ресми аяқталуы жексенбі күнімен сәйкес келгендіктен, 11-сынып түлектері үшін салтанатты шара мектеп әкімшілігінің шешімімен 23 немесе 24-мамырда өткізіледі», - делінген мәлімдемеде.

Ал 23 мамыр – соңғы оқу күні барлық мектепте «Білімім – Отаныма» тақырыбында бірыңғай сынып сағаты өтеді.

Сондай-ақ министрлік сән-салтанатты іс-шаралар мен автокөлікпен шеруге шығуға жол берілмейтінін еске салды.