Қазақстанда жаңа автомобиль зауыты пайда болады

Қазақстан Президенті Қасым-Жомарт Тоқаев президент резиденциясында AstanaMotors компаниясының негізін қалаушы Нұрлан Смағұловпен кездесіп, кәсіпорынды дамыту, оның ішінде жаңа автомобиль зауытын салу жоспарын талқылады, - деп хабарлайды Arbat.media.

Смағұлов Тоқаевқа Hyundai Trans Kazakhstan және Hyundai Trans Almaty зауыттарының өнімділігі туралы егжей-тегжейлі айтып берді.

2023 жылы олар 48 мың 857 жеңіл автокөлік пен 981 коммерциялық көлік шығарды.

Нұрлан Смағұлов Chery, GWM және басқа да брендтерді шығару жоспарланатын жаңа мультибрендті «Astana Motors Manufacturing Kazakhstan» зауытының құрылысын айтты,

Зауыттың өндіріс көлемі жылына 90 мың автомобильді құрайды.

Құрылысты 2025 жылдың ақпан айына дейін аяқтау жоспарланған.