Қазақстандық танымал журналист қаза тапты

Қоғамдық-саяси "Время" газетінің бас редакторы, қазақстандық журналист Лев Тараков өмірден өтті, деп хабарлайды Arbat.media.

Бұл ақпаратты "Время" газеті растады. Қазақстандық журналист, қоғам қайраткері 58 жасында қайтыс болды.

Лев Тараков Киевтегі жоғары әскери-теңіз саяси училищесін бітірген. Еңбек жолын Солтүстік флотта офицер болып бастаған. Әр жылдары баспасөз және бұқаралық ақпарат құралдары министрлігінде, Президент жанындағы Қазақстан стратегиялық зерттеулер институтында басшылық қызметтер атқарған, сондай-ақ "Известия-Казахстан" газетінің бас редакторы болған.