Қазақстандықтар Құрбан айт мерекесіне қанша күн демалады?

Маусым айында қазақстандықтар мұсылмандардың маңызды мерекелерінің бірі — Құрбан айт мерекесін атап өтеді, деп хабарлайды Arbat.media.

2025 жылы Құрбан айттың бірінші күні жұма — 6 маусымға сәйкес келеді. Осыған байланысты қазақстандықтар қатарынан үш күн демалады.

Құрбан айттағы демалыс күндері — бес күн жұмыс істейтіндер үшін — 6, 7 және 8 маусым демалыс күндері болады. Ал алты күн жұмыс істейтінден — 6 және 8 маусым күндері демалады. Ал 7 маусым жұмыс күні.

Құрбан айт — ислам дініндегі ең маңызды діни мейрамдардың бірі. Ол Ораза айттан кейін 70 күн өткен соң тойланады. Бұл мейрам Меккедегі қажылықтың аяқталуына сәйкес келеді және мұсылмандар үшін үлкен рухани мәнге ие.