Қазақстандықтарға 4 млн қоңырау шалған қылмыстық топ ұсталды

ҰҚК сәуірде Алматы қаласындағы телефон алаяқтығына қатысы бар қылмыстық топтың ісін әшкереледі, деп хабарлайды Arbat.Media.

Күдіктілер байланыс операторларының бақылауын елемей, шетелден қазақстандық абоненттерге халықаралық қоңыраулар шалып отырған.

Қылмыстық топ бөгде заңды тұлғалардың атына виртуалды телефон станцияларын тіркеп, жергілікті мобильді нөмірлерді пайдаланған. Арнайы зиянды бағдарламалармен қамтыған.

Осы схема бойынша 4 миллионнан астам қоңырау шалынып, байланыс операторларына келтірілген шығын көлемі 15 миллион теңге соммасынан асты.

Тінту барысында техникалық құралдар мен іске қатысты өзге де заттай дәлелдемелер алынған. Тергеу іс-шаралары жалғасуда.