Қазақстандықтарға 8 млн теңгеден жоғары кредит кепілсіз берілмеуі мүмкін

Елімізде тұтынушылық банктік қарыз және тұтынушылық микрокредит сомасына қойылатын талаптарға өзгерістер енгізіледі. Аталған қаулының жобасы «Ашық НҚА» порталында жарияланды. Қаржы нарығын реттеу және дамыту агенттігі екінші деңгейлі банктердің 2 200 АЕК мөлшеріне дейін бере алатын кепілсіз несие сомасын шектеуді ұсынып отыр. 2024 жылғы АЕК (айлық есептік көрсеткіш) көлемі – 3 692 теңге. Егер жаңа қаулы қабылданса, азаматтар кепілсіз 8 млн 122,4 мың теңгеден астам сомаға несие алу мүмкіндігінен айырылады, - деп хабарлайды Arbat.media.

Ал, микроқаржы ұйымдары үшін кепілсіз кредит берудің сомасы екі есе төмен, яғни микроқарыз көлемі 4 млн 61,2 мың теңге болса кепілсіз бермеуді жоспарлап отыр, - деп жазады Kazinform агенттігі.

Сондай-ақ Қаржы нарығын реттеу және дамыту агенттігі әзірлеген құжатта жобаның әлеуметтік маңызы жоқ екендігі айтылған. Мақсат – несие беру тәжірибесін банктер мен микроқаржы қызметі туралы қолданыстағы заңдардың нормаларына сәйкес келтіру.

Айта кетейік, жаңа нормалардың кепілдендірілген несиелерге қатысы жоқ.