Қазақстанға мұнай өндіру квотасын сақтамады деген айып тағылды
Энергетика министрлігі Қазақстанның ОПЕК+ келісімі бойынша өз міндеттемелеріне берік екенін және коалицияның басқа қатысушыларымен өз әрекеттерін үйлестіретінін растады, - деп хабарлайды Arbat.media.
Мұнай өндіру квоталарын орындамағаны үшін халықаралық зерттеушілер тарапынан айтылған сынға жауап ретінде Қазақстан өтемақы төлеудің егжей-тегжейлі жоспарын әзірледі, - деп жазады Kazinform агенттігі.
– ОПЕК+ келісімі бойынша министрлердің 37-ші отырысының шешімінен кейін Қазақстан егжей-тегжейлі өтемақы жоспарын дайындады. Соған сәйкес бірінші жартыжылдықта 2025 жылдың қыркүйегіне дейін асып кеткен көлемдерді кезең-кезеңімен өтейді. Қазақстан өз міндеттемелерін орындауға және жоспарлы өтемақы жоспары бойынша артық өндірілген өнімнің орнын толтыруға бар күш-жігерін салады, - делінген хабарламада.
Айта кетейік, бұған дейін америкалық Bloomberg басылымы Қазақстанды халықаралық ұйым белгілеген квоталарды елемеді деп айыптаған мақала жариялаған болатын.
Сондай-ақ Қазақстан бұрын қабылданған ерікті міндеттемелерін 2025 жылдың соңына дейін ұзартты.