Қостанай қаласы білім бөлімінің басшысы ақша жымқырғаны үшін ұсталды
Қостанай облысы прокуратурасы баспасөз қызметінің мәліметінше, олар өзге адамдармен топтасып, бөлімге қарасты мекемелерге (мектептерге) бөлінген бюджет қаражатын жымқырды деген күдікке ілінген, деп хабарлайды Arbat.Media.
Тергеу деректеріне сәйкес, 1 маусым күні күдікті тұлғалардың тұрғылықты жері мен жұмыс орындарында тінту жүргізілген.
«1 маусымда ҚР Қылмыстық кодексінің 190-бабы 3-бөлігі бойынша көзделген қылмыстық құқық бұзушылықты жасады деген күдікпен, ҚР ҚПК-нің 128-бабы тәртібімен Қостанай қаласы әкімдігінің «Білім бөлімі» ММ басшысы Г.А.Ұразбаева ұсталды», деп хабарлады ҰҚК департаменті.
Қазіргі уақытта тергеу жалғасып жатыр.
Ведомство өкілдері Қылмыстық-процестік кодекстің 201-бабына сәйкес өзге ақпарат жариялауға жатпайтынын атап өтті.