Қостанайда жол апатынан 4 адам мерт болды

Қостанай облысында Қостанай – Әулиекөл – Сұрған автожолында Mercedes-Benz пен «ВАЗ-2107» автокөліктері соқтығысты, деп хабарлайды Arbat.Media.

Жол апаты салдарынан төрт адам қаза тапты.

«Адам өліміне әкелген Қостанай – Әулиекөл – Сұрған автожолындағы жол апаты фактісі бойынша қылмыстық іс қозғалды», деп хабарлады Қостанай облысы ПД.

Алдын ала мәлімет бойынша, Mercedes-Benz 200 автокөлігінің жүргізушісі қарсы қозғалыс жолағына шығып кеткен. Нәтижесінде «ВАЗ» көлігімен бетпе-бет соқтығысқан. Қазіргі уақытта қажетті тергеу амалдары жүргізілуде. Полиция қызметкерлері оқиғаның барлық мән-жайы мен себептерін анықтап жатыр.