Қостанайдағы Freedom Finance экс-директоры 70 млн теңге жымқырған

Freedom Finance компанияның Қостанайдағы филиалында бұрынғы басшы ақша жымқырғаны үшін 5 жылға сотталды, деп хабарлайды Arbat.Media.

Экс-директор 2023 жылдың желтоқсанынан 2024 жылдың қазанына дейін қарамағындағыларды алдап, оларды басшылықтың нұсқауы бойынша бонустық төлемдерді беруге көндірген. Осылайша ол 70 млн теңгеден астам қаржы алған.

Мемлекеттік айыптаушы сотталушыға 5 жыл сұрады және қаржы ұйымдарында 10 жыл бойы басшылық лауазымдарға орналасуға тыйым салуды ұсынды. Сотталушының өзі кінәні жоққа шығарды. Бірақ жәбірленушілер қатаң жаза мен толық өтемақы талап етті.

Сот ер адамды алаяқтық үшін кінәлі деп тауып, 5 жылға бас бостандығынан айырды. Ол сондай-ақ 7 жыл бойы басшылық лауазымдарға орналасу құқығынан айырылды.