Қуандық Бишімбаевтың әкесі университет ашып жатқаны рас па?

Әлеуметтік желіде Қуандық Бишімбаевтың әкесі Уәлихан Бишімбаев Таразда университет ашпақ деген ақпарат тарады, деп хабарлайды Arbat.media.

Бейресми деректер бойынша, ЖОО жаңа оқу жылында іске қосылып, ректор Уәлихан Бишімбаев болады делінген.

Алайда Ғылым және жоғары білім министрлігі бұл ақпаратты жоққа шығарды.

"Министрлік Bishimbayev University атауымен білім беру қызметін жүзеге асыруға лицензия берілгенін жоққа шығарады, сондай-ақ, "е-лицензиялау" ақпараттық жүйесінде тиісті өтінім болмағанын хабарлайды", - деп жазылған хабарламада.

Еске салайық, бұған дейін Бишімбаевтың отбасы алимент төлеуден бас тартқанын хабарлаған едік.