Құрбылары азаптап өлтірген Ақнәрдің өлімі туралы полиция тың мәлімет айтты

Қоғам резонансынан кейін полиция Ақнәр ісі жөнінде мәлімдеме жасады, деп хабарлайды Arbat.media.

2024 жылы 20 шілдеде көпқабатты тұрғын үйдің жетінші қабатынан құлап, қайтыс болған Ақнар Гүлстанның өліміне байланысты Алматы қаласының полиция департаменті алғаш рет ресми мәлімдеме таратты.

Ақнар Гүлстанның анасы Қамит Гүлстан кеше тергеудің созылып кеткеніне наразы болып, Қазақстан президенті Қасым-Жомарт Тоқаевқа ашық хат жолдаған.

Құқық қорғау органдарының хабарлауынша, оқиға болғанына 10 ай өтсе де, тергеу жалғасып жатыр. Тергеушілер куәлардан жауап алып, оқиға орнындағы бейнебақылау жазбаларын қарап, материалдарды жинап, сараптап жатыр.