Қылмысты ашуға негізделген жасанды интеллект жүйесі енгізілді

Қылмысты ашуға негізделген жасанды интеллект жүйесі енгізілді, деп хабарлайды Arbat.Media.

Ақмола облысы, Бурабай ауданы полиция бөлімінің жедел басқару орталығында интеллектуалды «Таргет-Ай» бейнебақылау жүйесі енгізілді. Бұл туралы Ішкі істер министрлігінің баспасөз қызметі хабарлады.

«Жүйе бойынша қылмысты ашу, әкімшілік құқық бұзушылықты анықтау және тоқтату, іздеуде жүрген немесе пробациялық бақылаудағы адамдарды анықтау мен хабар-ошарсыз кеткен адамдарды іздеуге болады.

«Таргет-Ай» интеллектуалды жүйесі арқылы үш айда 1200-ден астам құқықбұзушылықтың жолы кесіліп, 2 қылмыстық іс ашылды», - делінген хабарламада.