Қызылордада Абайдың бір ғасыр бұрынғы өлеңдер жинағы табылды

Ескі араб әліпбиімен жазылған көне кітап облыстық тарихи-өлкетану музейінің қорында сақтаулы, деп хабарлайды Arbat.Media.

Ғалымдардың айтуынша, Абай қайтыс болғаннан кейін 1909 жылы Кәкітай Ысқақұлының бастамасымен алғашқы өлеңдер жинағы жарық көрген. Ал 1922 жылы Қазанда басылған бұл жинақ – толықтырылған нұсқа. Кітапты 1982 жылы Мыңата Қалдыбаев музейге сыйға тартқан.

13 бөлімнен тұратын көне жинақ жуырда өлкетанушы Жұмабай Байзақұлының аудармасымен заманауи үлгіде қайта басылып шықты.