Рэпер Qarakesek есірткімен ұсталды

Ақтөбеде танымал рэпер Qarakesek ұсталды, деп хабарлайды Arbat.Media.

Полицияның мәліметінше, сараптама нәтижесі рэпердің есірткіге мас болғанын көрсеткен.

«Ақтөбеде жедел іс-шаралар барысында есірткіге мас күйде 31 жастағы рэпер ұсталды. Ұсталған кезде рэпер көлік тізгінінде болған. Жеке тексеру кезінде одан ұнтағы бар ZIP-пакет тәркіленді. Сараптама қорытындысына сәйкес, бұл синтетикалық есірткі болып шықты», - деп хабарлады полиция.

Аталған факті бойынша қылмыстық іс қозғалды. Қазақстандық рэпер 15 тәулікке қамалды. Сонымен қатар, 7 жыл мерзімге көлік құралын басқару құқығынан айырылды.