Рудныйда тәртіп сақшысы талмасы ұстап, есінен танған қызды аман алып қалды

Рейдтік іс-шаралар барысында тәртіп сақшысы Мерей Сахиев оқыс жағдайға тап болады, деп хабарлайды Arbat.Media.

Ол пәтер ішінде ес-түссіз жатқан қызды анықтайды.

"Мен оның құрысу белгілері бар екенін, тыныс алуы қиындағанын және тұншығу белгілерін байқадым. Жағдайы ауыр деп бағаланды: терісі бозарған, тынысы үзік-үзік болды", - деді ол.

Қасында анасы болған, алайда ол өз бетінше көмек көрсете алмаған.

Полицей дереу алғашқы көмек көрсетуге кірісті.

Кейін қыз ауруханаға жеткізілді.

Бойжеткен уақтылы көмек көрсеткен полиция қызметкеріне алғысын білдірді.