Сайрам ауданында жасөспірімнің өлі денесі табылды

Бірнеше күн бойы үйіне келмеген ұлдың жағдайына алаңдаған туыстары полиция шағымданған. Түркістан облысы полиция департаментінің баспасөз қызметі ұсынған ақпаратқа сүйенсек, қазір тәртіп сақшылары кәмелетке толмаған жасөспірімнің өз-өзіне қол жұмсау фактісі бойынша тергеу жүргізіп жатыр, - деп хабарлайды Arbat.media.

«Сараптама тағайындалды. Барлық мән-жайлар анықталып жатыр. ҚР ҚПК-нің 201-бабына сәйкес өзге де мәліметтер жария етілуге жатпайды», - делінген ведомства тарапынан таратылған ақпаратта, - деп жазады Kazinform агенттігі.

Айта кетейік, бұған дейін Түркістан облысында сәбидің өлі денесі табылғанын жазған болатынбыз. Белгісіз адам нәрестені облыстық перинаталдық орталыққа тастап кеткен.