Салтанат Нүкенованы өлтіру, хабарламау, жасыру бойынша қылмыстық істер қозғалды

Ішкі істер министрлігі Салтанат Нүкенованы өлтіру, оның ішінде қылмыс туралы хабарламау және жасыру бойынша жаңа қылмыстық істер қозғады, - деп хабарлайды Arbat.media.
  
Бұл туралы Астана қаласының полиция департаменті хабарлады деп жариялады ORDA телеграм каналы.

Салтанат Нүкенованы BAU мейрамханасында өлтіру фактісі бойынша тергеу барысында қауіпте қалдыру, жасыру және хабарламау фактілері бойынша жекелеген қылмыстық істер тіркелді.
 
«Тергеу барысында 119-баптың 3-бөлігі «Қауіпті жағдайда қалдыру» бойынша қылмыстық істер жеке тіркелді. 432-баппен «Қылмысты жасыру», 434-баппен ҚР ҚК «Қылмыс туралы хабарламау» бойынша қылмыстық іс қозғалды», - делінген хабарламада.

Гастро-орталығының директорына қатысты «Қылмысты жасыру» бабы бойынша тергеу басталды. Ол уақытша ұстау изоляторына қамалды.

Қылмыстық іс бойынша күдіктілер экс-министр Қуандық Бишімбаевтың немере ағасы болса керек, ол әйелдің қимылсыз жатқанын көріп, ештеңе істемеген, бірақ қызметкерлерді таратып, камералардан бейнежазбаларды өшіртіп, т.б. нұсқау берген, сонымен қатар мекеме әкімшісі де бейнежазбаларды "техникалық қателік" деген желеумен бейнебақылау камераларынан өшірген, -деп жазады  ORDA телеграм каналы.