Семейде із-түзсіз жоғалған 7 жастағы баланың жағдайы белгілі болды

Семейде 1000-нан астам тұрғын түні бойы іздеген 7 жасар бала үйінен 7 км жерден табылды, деп хабарлайды Arbat.Media.

Абай облысы ПД 7 жасар балаға іздеу салынғанын хабарлаған. ПД-ға кәмелетке толмаған, 2018 жылғы баланың жоғалғаны туралы ақпара келіп түскен. Баланың дамуына ерекшеліктері бар екені де хабарланды. Артынша полиция баланы іздеуге атсалысқысы келген еріктілерді шақырды. Түні бойы баланы 1000-нан астам адам іздеді.

"Жоғалған бала үйінен шамамен 10 шақырым қашықтықтағы орманнан табылды. Оны Затон полиция бөлімінің учаскелік полиция инспекторлары тапты. Қиын жағдайға қарамастан, полиция қызметкерлері іздеуді бір сәтке де тоқтатпады", - делінген ПД хабарламасында.