Семейде заңсыз алкоголь өндіретін жасырын цех анықталды

Семейде заңсыз алкоголь өндіретін жасырын цех анықталды, деп хабарлайды Arbat.Media.

Қаржылық мониторинг агенттігінің Абай облысы бойынша департаменті прокуратура және Мемлекеттік кірістер органдарымен бірлесіп, Семейде заңсыз алкоголь өндіретін жасырын цехті анықтады.

Тергеу мәліметінше, қала тұрғыны лицензиясыз алкоголь өндірісін ұйымдастырған. Тінту барысында «Finsky Ice» және «Сибирские морозы» атауларымен 12 мыңнан астам дайын өнім, 8 мыңнан аса бос бөтелке, 10 мың литрден астам спирт құрамды сұйықтық және жалған маркалар тәркіленді.

Сот шешімімен цех орналасқан үй мен 3 автокөлікке тыйым салынып, ұйымдастырушыға елден шығуға шектеу қойылды. Тергеу жалғасуда.