Сот орындаушылары алимент ақшасын жымқырған

Қызметтен шеттетілген сот орындаушылары алименттің ақшасын қалай қолға түсіріп жүргені айтылды, - деп хабарлайды Arbat.media.

Бұл сұраққа Әділет министрі Азамат Есқараев журналистерге былай деп жауап берді: 

«Бұрынғы заңнамада сот орындаушылары жиналған ақшаны өз қарамағындағы шотқа жинай алады екен. Ол шотқа ешқандай тыйым салынбайды. Жапа шеккен жасөспірімдердің ақшасын жымқыру деген адам санасына кірмейтін нәрсе. Сондықтан, біздің қызметкерлер осындайларға жол бермес үшін нақты заңға өзгерістерді дайындап жатыр. Жақын арада тиісті органдарға кіргіземіз».