Сот залынан қыз зорлаған күдікті қашып кетті: тың деректер

Кеше, 1 сәуір күні таңертең Алматы облысындағы аудандық соттың аумағынан 1995 жылы туған күдікті қашып кетті, деп хабарлайды Arbat.media.

Қылмыскердің қашып кетуіне байланысты облыс аумағында "Сирена" арнайы жоспары енгізілілді. Алматы облысы полициясының мәліметінше, қамаудағы адамның қашуына байланысты оның үстінен тағы бір қылмыстық іс қозғалды. Қашқынды ұстау үшін жедел іздестіру шаралары жүргізіліп жатыр.

Сонымен қатар полиция оқиғаның барлық мән-жайын анықтау мақсатында қызметтік тексеріс басталғанын мәлімдеді. Полиция азаматтарды сабыр сақтауға шақырды. Әрі іздеудегі адамның орналасқан жері туралы қандай да бір ақпарат болса, дереу 102 нөміріне хабарласуды сұрады.