СҚО-да 38 жастағы ер адамға іздеу жарияланды

Солтүстік Қазақстан облысында Булаев қаласының тұрғыны Евгений Адреевскийге іздеу жарияланды, - деп хабарлайды Arbat.media.

Ер адамнан 15 қазаннан бері хабар жоқ.  Өңір волонтерлерінің мәліметінше, 1985 жылы туған Евгений Андреевский түнгі сағат 2.00 шамасында М.Жұмабаев ауданы Скворцовка елд мекенінің маңындағы ағаш дайындау орнынан кетіп қалған.

Ер адамның бойы 175 см, арықша келген. Қысқа сары шашты, көк көзді, сол жақ маңдайында тыртығы бар. Ал сол қолының буынында «Ж» әрпі жазылған тату белгісі болуы тиіс.