ШҚО-да адам өлтіруге оқталған күдіктілер қолға түсті

Шығыс Қазақстан облысында адам өлтіруге оқталды деген күдікпен екі күдікті ұсталды, деп хабарлайды Arbat.Media.

8 сәуірде Зайсан аудандық полиция бөлімінде адам өлтіруге оқталу фактісі бойынша сотқа дейінгі тергеу басталды. Екі күдікті анықталып, ізін суытпай ұсталған. Олардың қаруы тәркіленді.

«Қазіргі уақытта олар уақытша ұстау изоляторына қамалды. Полиция қызметкерлері оқиғаның барлық мән-жайын толық, объективті және жан-жақты зерттеуге бағытталған қажетті тергеу әрекеттерін жүргізуде», деп хабарлады полициядағылар.

Алдын ала мәлімет бойынша, белгісіз адамдар оқ атып, 2005 жылы туған жас жігітті жаралаған. Ол аудандық ауруханаға жеткізіліп, жансақтау бөліміне жатқызылды.