ШҚО-да әйелді өлтірді деген күдікпен оқушы қамауға алынды

Шығыс Қазақстан облысының Зайсан ауданында кәмелетке толмаған жасөспірім әйелді өлтірді деген күдікке ілінді. Сот күдіктіні қамауда ұстауға санкция берген, деп хабарлайды Arbat.Media.

Криминальный Казахстан Telegram-арнасының мәліметінше, аталған факті бойынша Қылмыстық кодекстің 99-бабының 1-бөлігімен («Адам өлтіру») қылмыстық іс қозғалған. Қазір тергеу және процессуалдық әрекеттер жүргізіліп жатыр. Тергеу мүддесіне байланысты өзге мәліметтер жарияланбады.

Оқиғадан кейін әлеуметтік желілерде марқұм әйелдің мұғалім болғаны және қылмысқа «Синий кит» интернет-ойынының қатысы болуы мүмкін деген ақпарат тараған.