ШҚО-да инфекция өршіп, 24 мектеп онлайн оқуға көшті

Шығыс Қазақстан облысында жедел респираторлық вирустық инфекцияның көбеюіне байланысты 3 мыңнан астам оқушы қашықтан оқуға жіберілді, деп хабарлайды Arbat.Media.

Қазіргі уақытта өңірдегі 24 мектепте 169 сынып онлайн форматқа ауыстырылған.

Санитарлық-эпидемиологиялық бақылау департаментінің дерегінше, 1 қазаннан 17 қарашаға дейін облыста 46 мың адам ЖРВИ жұқтырған. Оның шамамен 60 пайызы - балалар.

Аурушаңдық әсіресе Өскеменде байқалады. Қаладағы 18 мектепте сыныптар онлайн оқуда. Сондай-ақ Күршім ауданының 3, Ұлан ауданының 2 мектебінде де осындай жағдай тіркелген.