ШҚО: Үйі өртенгенде әкімдікке келіп боқтаған адам 15 күнге қамалды

Шығыс Қазақстан облысы Шемонаиха ауданында үйі өртеніп жатқанда әкімдікке келіп қызметкерлерді боқтай жөнелген адам 15 күнге қамалды.Шемонаиха аудандық сотында қаралған іс материалдарынан белгілі болғандай, ауыл тұрғынының үйінде өрт шыққан. Отпен әуелі өзі күрескен ол өшіре алмай қалып, ауылдық округ әкімдігіне жүгіріп келген, - деп хабарлайды Arbat.media.

Бұл туралы Kazinform агенттігі жазады.

«Әкімдік қызметкерлерінен көмек сұрағанында олар өрт сөндірушілерге хабарласу қажеттігін айтады. Бұған ашуланған адам боқтай жөнеліп, айқай шығарған. Көп ұзамай сол жерге полиция қызметкерлері келіп жетіп, оған қатысты іс қозғады», - делінген сот үкімінде.

Сот шешімімен ұсақ бұзақылық жасаған ер адам он бес тәулікке әкімшілік қамаққа алынды.