Шымкентте 26 жастағы келіншектің денесі қоқыс жәшігінің жанынан табылды

Шымкентте 10 күн бұрын жоғалған келіншектің бірнеше рет пышақталған денесі қоқыс жәшігінің маңынан табылды, деп хабарлайды Arbat.Media.

Қалалық полиция департаменті ақпаратты растады. Полицияның мәліметінше, қайғылы оқиғаға қатысты «Адам өлтіру» бабымен қылмыстық іс қозғалған. Марқұмды полициямен бірге еріктілер де іздеген еді.

Журналист Гүлмира Әбіқайдың мәліметінше, 2 баланың анасы «үй жинаушы қажет» деген хабарламаны оқып, үйінен жұмыс іздеп шыққан. Бірақ 17 жастағы жігіт келіншекті 16 жерінен пышақтап өлтіріп кеткен.