Шымкентте театрдың құрал-жабдығына бөлінген ақша жоғалды

«Шымкент жастар театрының» директоры мен өзге де лауазымды тұлғалар 136 млн теңгеден астам бюджет қаражатын жымқырған. Тергеу аяқталды, деп хабарлайды Arbat.Media.

ҚМА мәліметінше, мемлекеттік бюджеттен театрға концерт өткізуге арналған жабдықтарды сатып алу үшін 320 млн теңге бөлінген.

Алайда күдіктілер сатып алу талаптарын бұзған. Олар электронды дүкен арқылы жалған сауда жасасқан. Кейін қаражат қолма-қол ақшаға айналдырылған.

Күдіктілердің бірі 48 млн теңге бюджет қаражатына автокөлік пен пәтер сатып алып, оны жақындарының атына рәсімдеген.

Күдіктілер қамауға алынды.