Таразда Жаңа жыл түні екі ірі өрт шықты

Таразда Жаңа жыл түні екі ірі өрт шығып мейрамхана мен тұрғын үйден адамдар эвакуацияланды, деп хабарлайды Arbat.Media.

Оқиғаның біреуі 5-шағынауданда болды. Алғашқы өрт сөндіру бөлімшелері келген сәтте бесінші қабаттағы балкон мен ғимараттың шатыры ашық жалынмен жанып жатқан.

Пікірлерде пайдаланушылар өрттің жергілікті тұрғындар атқан салют салдарынан шығуы мүмкін екенін болжап отыр.

Жамбыл даңғылында Watson Pub мейрамханасының екі қабатты ғимаратына жапсарлас салынған жазғы алаңда да өрт шыққан.

Мейрамханадан шамамен 100 адамды эвакуациялады. Екі оқиғада да зардап шеккендер жоқ.