Тоқаев денсаулық саласында маман тапшылығын жоюды тапсырды

Тоқаевтың сөзінше, бұл мәселенің зардабын әсіресе ауылдық жерлер тартып отыр, деп хабарлайды Arbat.Media.

"Ол үшін бастапқы медициналық-санитарлық көмек жұмысшыларын қолдау бағдарламасын әзірлеу қажет. Дәрігерлер мемлекет қамқорлығын сезінуі керек. Олар үшін лайықты жалақы, толық әлеуметтік пакет және жергілікті жерде жұмыс істеуге ынталандыратын тетіктер болуға тиіс", – деді ол.

Президенттің сөзінше, елімізде пайдалану мерзімі әлдеқашан өтіп кеткен 14 мыңнан аса нысан әлі де қызмет көрсетіп тұр. Сондықтан Үкімет бүкіл денсаулық сақтау инфрақұрылымына ауқымды реновация жүргізіп, олардың материалдық-техникалық базасын жаңғыртуы қажет, дейді.