Тоқаев Қауіпсіздік Кеңесінің отырысын өткізді

Президент төрағалығымен өткен отырыста Үкімет мүшелері ғарыш саласының қазіргі жай-күйі, іске асырылып жатқан жобалар және даму перспективасы туралы баяндады, деп хабарлайды Arbat.Media.

Тоқаевтың айтуынша, жаһандық ғарыш секторы түбегейлі өзгерді. Бұл сала тек ірі державалардың “жабық клубына” тиесілі болған дәуір артта қалған.

Сондай-ақ мемлекет басшысы Ресеймен және басқа да шетелдік серіктестермен стратегиялық ықпалдастықты дамыту қажет екенін айтты. Президент Үкіметке ғарыш саласын жаңғыртуды және оның әлеуетін мемлекет мүддесіне тиімді пайдалануды көздейтін бірқатар нақты тапсырма берді.