Тоқаев Ресейдің сыртқы істер министрі Лавровпен кездесті

Мемлекет басшысы Ресейдің сыртқы істер министрі Сергей Лавровты қабылдады, деп хабарлайды Arbat.Media.

Тоқаев Қазақстан мен Ресей арасындағы қарым-қатынас дамып келе жатқанын айтты.

Президент бұған дейін жоғары деңгейде қол жеткізілген уағдаластықтарды нақты жүзеге асырудың, сондай-ақ сауда-экономикалық, инвестициялық және мәдени-гуманитарлық байланыстарды одан әрі нығайтудың маңызды екенін айтты.

Кездесуде Владимир Путиннің мамыр айының соңында Қазақстанға жасайтын сапарына дайындық мәселесі де айтылды.

«Бұл сапарды биылғы екіжақты күн тәртібінің ең негізгі іс-шарасы ретінде қарастырамыз. Екі елдің одақтастық қатынастарын ілгерілетуде аталған сапар маңызды рөл атқарады деп сенеміз», – деді Қасым-Жомарт Тоқаев.